ಶಹಾಪುರ: ಇಂದು ಸಂಜೆಯೊಳಗೆ ನೀರು ಬಿಡುವ ನಿರ್ಧಾರ ಕೈಕೊಳ್ಳಬೇಕು, ಇಲ್ಲವಾದರೇ ನಾಳೆ ಯಾದಗಿರಿ ಬಂದ್, ಮುಂದಿನ‌ ನಡೆ ರೈತಸಂಘಟನೆಗಳು,ತೆಗೆದುಕೊಳ್ಳುವ ನಿರ್ಧಾರದಂತೆಯೇ ಹೋರಾಟ ನಿರಂತರವಾಗಿಮುಂದುವರೆಸಲಾಗುವುದು ಎಂದು ಮಾಜಿ ಸಚಿವ ರಾಜೂ ಗೌಡ ಎಚ್ಚರಿಸಿದ್ದಾರೆ.

ಶಹಾಪುರ ಸಮೀಪದ ಭೀ.ಗುಡಿ ಸರ್ಕಲ್ ನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮಂಗಳವಾರ ನಡೆದ ಪಕ್ಷಾತೀತ ಹೊರಾಟದಲ್ಲಿ ಮಾತನಾಡಿದರು.

ಸಾವಿರಾರು ಸಂಖ್ಯೆಯಲ್ಲಿ ಸೇರಿದ್ದ ರೈತರನ್ನು ಉದ್ದೇಶಿಸಿ ಮಾತನಾಡಿದ ಅವರು, ನೀರು ಬೀಡುವವರೆಗೂ ಹೋರಾಟ ನಿಲ್ಲಿಸುವ ಮಾತೇ ಇಲ್ಲ ಎಂದು ಹೇಳಿದರು. ಬೆಂಗಳೂರಿಗೆ ಹೋಗುವ ಅಗತ್ಯವಿಲ್ಲ, ಜಿಲ್ಲೆಯ ಮೂವರು, ನೆರೆಯ ಜೇರ್ವಗಿ ಶಾಸಕರ ಮನೆಗಳಿಗೆ ಮುತ್ತಿಗೆ ಹಾಕಿದರೇ ನೀರು ತಾನಾಗಿಯೇ ಹರಿಯುತ್ತದೆ ಎಂದು ಗುಡುಗಿದರು.

ನೆರೆ ಜಿಲ್ಲೆ ಸಚಿವ ಎಂ.ಬಿ.ಪಾಟೀಲ್ ಅವರನ್ನು ನೋಡಿ ಕಲಿಯರಿ, ಅವರು ಹೇಗೆ ತಮ್ಮ ಜಿಲ್ಲೆಯ ರೈತರಿಗೆ ನೀರು ಹರಿಸಿದರು. ಸಿಎಂ, ಡಿಸಿಎಂ ಎದುರು ನಿಂತು ನೀರು ಹರಿಸಿ ಎಂದು ಕೇಳಲೂ ಧೈರ್ಯವಿಲ್ಲ, ಕೇಳಿದರೇ ಎಲ್ಲಿ ಸಚಿವ ಸ್ಥಾನ ಹೊಗುತ್ತದೆ, ಇಲ್ಲವೇ ನಿಮ್ಮ ಅಕ್ರಮ ದಂಧೆ ನಿಲ್ಲುತ್ತವೆಂದು ಹೆದರುತ್ತಿದ್ದಿರಿ? ಮೊದಲು ಅನ್ನದಾತ, ಆಮೇಲೆ ರಾಜಕೀಯ, ಅಧಿಕಾರ ಎನ್ನುವ ಸತ್ಯ ಅರಿಯರಿ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಇದು ಒಬ್ಬ ರಾಜೂಗೌಡನ ಹೋರಾಟ ಅಲ್ಲ, ಜಿಲ್ಲೆಯ ರೈತರ ಪರವಾಗಿ ನಡೆಯುತ್ತಿರುವ ಪಕ್ಷಾತೀತ ಹೋರಾಟವೆಂದು ಸ್ಪಷ್ಟಪಡಿಸಿದರು.

ಬಿಜೆಪಿ ಮಾಜಿ ಅಧ್ಯಕ್ಷ ಅಮೀನ್ ರಡ್ಡಿ ಯಾಳಗಿ, ಹಾಲಿ ಅಧ್ಯಕ್ಷ ಬಸವರಾಜ ವಿಭೂತಿಹಳ್ಳಿ, ಕಲಬುರಗಿ ಜಿಲ್ಲಾ ಬಿಜೆಪಿ ಅಧ್ಯಕ್ಷ ಶಿವರಾಜ ಪಾಟೀಲ್ ರದ್ದೆವಾಡಗಿ, ಕರವೇ ಅಧ್ಯಕ್ಷ ಟಿ.ಎನ್.ಭೀಮು ನಾಯಕ್, ನಗರಸಭೆ ಅಧ್ಯಕ್ಷೆ ಲಲಿತಾ ಅನಪುರ, ರೈತ ಮುಖಂಡ ಮಹೇಶ ಸುಬೇದಾರ ಸೇರಿದಂತೆಯೇ ಅನೇಕರು ಮಾತನಾಡಿ, ರೈತರಿಗೆ ನೀರು ಬಿಡುವ ವಿಷಯದಲ್ಲಿ ಸರ್ಕಾರದ ವಿಳಂಬ ನೀತಿಯನ್ನು ಖಂಡಿಸಿದರು.

ಜಿಲ್ಲೆ ಸಚಿವ, ಶಾಸಕರ ನಡೆಯನ್ನು ಖಂಡಿಸಿದರು. ರೈತರು ಬಿತ್ತಿ ಬೆಳೆದರೇ ನಾವು, ನೀವು ಉಂಡುಟ್ಟು ಆರಾಮವಾಗಿ ಇರುತ್ತೆವೆ, ಈ ಕನಿಷ್ಠ ಪ್ರಜ್ಞೆ ಇಟ್ಟುಕೊಂಡೂ ಸರ್ಕಾರದ ಮೇಲೆ ಒತ್ತಡ ಹಾಕುವ ಮೂಲಕ ನೀರು ಹರಿಸಿ ಎಂದರು. 

------

ಯಾದಗಿರಿ ಜಿಲ್ಲೆ, ದೇವದುರ್ಗ ಮತ್ತು ಜೇರ್ವಗಿ ತಾಲೂಕಿನಿಂದ ಸಾವಿರಾರು ಸಂಖ್ಯೆಯಲ್ಲಿ‌ ರೈತರು ರಸ್ತೆ ತಡೆಯಲ್ಲಿ‌ ಭಾಗವಹಿಸಿದ್ದರು.

ಸುಮಾರು ಎರಡು ತಾಸು ರಸ್ತೆ ನಡೆಯಿತು. 

ಇದರಿಂದಾಗಿ ಸಂಚಾರ ಅಸ್ತವ್ಯಸ್ತಗೊಂಡಿತ್ತು. ಪೊಲೀಸರು ಸೂಕ್ತ ಬಂದೋಬಸ್ತ್ ಮಾಡಿದ್ದರ

ಈ ಬೃಹತ್ ಪ್ರತಿಭಟನೆಯಲ್ಲಿ ಇದ್ದರು.

ನಾವೇ ಮೆರೆಯುಸುತ್ತೆವೆ

ಜಿಲ್ಲೆಯ ರೈತರ ಪರವಾಗಿ ನಿಂತು ಕೂಡಲೇ ನೀರು ಬಿಡಿಸಿ, ಈ ಕೆಲಸ ಮಾಡಿದರೇ ನಾವೇ ನಿಮ್ಮ ಪೊಟೊ ಕೊರಳಿಗೆ ಹಾಕಿಕೊಂಡು ಮೆರೆಯುಸುತ್ತೆವೆ.

ರಾಜೂಗೌಡ, ಮಾಜಿ ಸಚಿವ